聖誕前夕收到超速罰款單, 呢份聖誕禮品認真應節~
提醒我...地聖誕期間駕車要特別小心,
真的很久... 沒有與超速 "結緣"
今次點會咁唔小心架?? 超速罰款對上收過兩次
都係做新牌仔果陣時~ 楂左幾年車又開始覺得越行越慢
於是就越踩越快, 基本上好多時都會超速~
不過去到燈位又收返慢d, 緊住又快返d
結果耐左就出事喇~ 大家小心d啦~
-------------------------------------------------
聖誕大餐 2007-12-27
今年既聖誕大餐25/12係餐館請食飯,
26/12 o係屋企BBQ, 黎左澳洲5年都冇試過用炭爐去BBQ,
BBQ既次數5隻手指都數得晒, 好熱氣呀 (>_<)
今日把聲都沙晒~ 呀邊個邊個快D煲涼茶俾我飲啦!
-------------------------------------------------------
02年9月尾向澳洲出發, 中間返過1個月香港, o係澳洲總逗留時間的確超過5年,
第1日到澳洲, 個鼻就開始唔聽話喇, 鼻敏感開始發作,
經過多年調較, 而家已經冇乜事喇,
不過多年來仍然唔慣呢度既生活, 太悶了
夜生活太少, 得酒吧同飲酒, 我都唔好既...
d人做野又慢, 對於我呢個天生性急既人, 當然等唔切啦~
最頂唔順係銀行服務, 每次都要排好耐, 頂
快d得唔得呀?? 好心啦!
--------------------------------------------
當初黎到真係經常懷念香港的人和事, 掛住屋企人
而家好似慢慢開始忘記香港既野喇, 成日都唔打電話返屋企同阿媽報到,
整到係阿媽掛住我想聽我把聲而打電話黎!
咁多年黎同老豆通電話既次數唔知夠唔夠10次呢??
當年周圍飛黎飛去做野既大表哥話我知老豆真係老左好多....
我真係好耐冇見過老豆, 真係好懷念細細個果陣每個星期日,
老豆帶住我地3兄弟去呢度踢波, 去果個公園玩,
有好多地方已經拆晒, 我連個名都唔記得係乜~
小時候屋企對上斜路就係泳池, 游水成為大個少少最經常的假日活動,
聽到大細佬離港旅遊, 老媽子未放工,
細細佬話同老豆兩支公食聖誕餐, 可以的話, 預埋我一份 (>_<)
------------------------------------------
兒時小食 2007-12-27
小學讀上午校, 所以放學後做完功課就會落球場踢波,
每天定時有一班我地呢d同學黨o係球場出玩,
踢完波之後一定會去買串魚旦或者腸仔食,
跟住一人一支汽水, 一包糖或者一串烤魚片,
咁就玩左成個下午,
另一樣最鍾意既係缽仔糕, 多數係媽咪去街市買餸果陣順手買俾我地食,
黎左澳洲好多時間o係屋企整野食(之前既事),
就成日整甜品食喇~ 蛋撻, 缽仔糕, 芋頭糕, 包餃子仲有煲糖水,
不過近呢兩年個人懶左好很多, 全部冇整lu
你地係咪好想食呢~ haha
